Que é Fest Galicia?

É outra forma de facer festivais. Queres coñecer outra forma de vivir a experiencia?

Coñece a marca Fest Galicia

Evently

Séguenos en

Simply enter your keyword and we will help you find what you need.

What are you looking for?

Fest Galicia 2020 cabeceira web

FEST Galicia 2020

FEST Galicia 2020

Os festivais profesionais de música de verán que integran a marca FEST Galicia desenvolverán entre xullo e setembro de 2020, co apoio do programa 'FEST Galicia en liña Xacobeo 2021', concertos online e convocatorias presenciais de formato reducido para cumprir cos protocolos de distanciamento social. A continuación, podes ver unha breve descrición das actividades previstas por cada festival, clicando no seu nome 👇
Vive Nigrán (17-18 de xullo 2020)
Vive Nigran 2020

O evento inclúe unha serie de actividades unificadas baixo o concepto de “Picnic-Pop Club”, con concertos de bandas españolas e galegas, e actividades náuticas para públicos de todas as idades. O festival contará con mochilas vibradoras para persoas con discapacidade auditiva.

> Máis info na web de Vive Nigrán

Sinsal Litorial SON EG (22-26 de xullo 2020)
Sinsal Litoal 2020

O Sinsal Litoral é un proxecto deseñado para pequenas audiencias en enclaves singulares das Rías Baixas, preto do mar. Este ano ofrece unha programación excepcional, na que se combinan andainas, cinema, poesía, actividades arredor do marisqueo, unha xornada sobre economía circular en San Simón, e concertos de artistas españois e galegos para aforos moi reducidos en emprazamentos de grande valor patrimonial como o Castelo de Soutomaior ou o mosteiro de Oia, onde estará ubicado o escenario Fest Galicia Xacobeo 21.

> Máis info na web de Sinsal.

SonRías Baixas (31 de xullo-1 de agosto 2020)
MicroSonRias Baixas 2020

En 2020 celebra unha edición epecial, o MicroSonRías Baixas, na que terán lugar acústicos de Arco e Rayden e sorpresas en espazos singulares. Redefine, ademais, o concepto de Destino SonRías, conxugando unha programación musical de calidade cunha coidada proposta de ocio activo, gastronómico y natural, profundamente integrada no territorio,

> Máis info na web do SonRías Baixas. 

17º Ribeira Sacra Festival (31 de xullo-2 de agosto de 2020)

O 17º Ribeira Sacra Festival celebra en 2020 unha edición especial, centrada máis que nunca na singularidade do territorio, con moi poucas entradas disponibles e con grandes propostas estatais e galegas entre as que anuncian algunha sorpresa a bordo do catamarán de Doade.

> Máis info na web do 17º Ribeira Sacra Festival.

Atlantic Fest (13 de agosto 2020)
Atlantic Fest 2020

Nesta atípica temporada non se celebrará o Atlantic Fest, aínda que si terá lugar un concerto exclusivo con La Bienquerida. Estade atent@s!

> Máis info na web do Atlantic Fest. 

Resurrection Fest (21-30 de agosto 2020)

O Resurrection Fest organiza Resurrection Fest Edición XS, que se celebrará entre o 21 e o 30 de agosto e contará cunha parte presencial, con concertos de aforo reducido ata un máximo de 800 persoas, que se desenvolverán entre estritas medidas de seguridade, e outra edición en liña (28 e 29 de agosto).

> Máis info na web do Resurrection Fest. 

Caudal Fest (3-20 de setembro 2020)

O Caudal Fest programará, do 3 ao 20 de setembro, as Noites de Caudal con 15 concertos de varios artistas, repartidos por distintas localizacións na cidade de Lugo e con aforos de 800 persoas.

> Máis info na web do Caudal Fest.

Revenidas (10-13 de setembro 2020)

Este ano organiza o Revenidas en conserva: concertos e representacións artísticas multidisciplinares en distintas prazas de Vilaxoán e Vilagarcía, mesturando concertos de pago e gratuítos de artistas galegos e locais.

> Máis info na web do Revenidas. 

WOS Festival (19 de setembro 2020)

O WOS Festival desenvolverá a súa edición máis reflexiva cunha xornada do programa de conferencias WOS Talks X Fest Galicia o sábado 19 de setembro que se celebrará de forma presencial e online na Cidade da Cultura, e tamén a través de streaming.

> Máis info na web do WOS Festival.

Cantos na Maré (24-27 de setembro 2020)
Cantos na Mare 2020

O Festival Cantos na Maré programará a edición especial Compostela na Maré con actividades musicais e sectoriais, que se desenvolverán en diferentes espazos singulares de Compostela e se poderán seguir tamén a través da rede.

> Máis info na web do Festival Cantos na Maré.

Festival UNDERFEST (26 de setembro 2020)

O Festival UNDERFEST SON EG intégrase por primeira vez este ano na marca FEST Galicia, celebrará unha edición reducida o sábado 26 de setembro, con concertos en salas e teatros da cidade e tamén actividades na rúa.

> Máis info na web do Festival UNDERFEST.

Festival de la Luz (setembro 2020)
Festival de la Luz 2020

O Festival de la Luz ofrecerá Reencuentros de la luz, do que achegará información proximamente.

> Máis info na web do Festival de la Luz.

Festival PortAmérica (setembro 2020)
PortAmerica 2020

O Festival Portamérica publicará Talento galego “para levar”, tres gravacións musicais exclusivas de 3 artistas de talento consolidado da música galega, que se realizarán sen público en lugares de interese turístico, e que se publicarán ao longo do mes de setembro.

> Máis info na web do Festival PortAmérica.

Se segues navegando por este sitio e daslle a aceptar, significa que estás dacordo co uso de cookies. Máis información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar